COPE layihəsi çərçivəsində III Forum

Avropa Komissiyası və Almaniyanın İqtisadi Əməkdaşlıq və İnkişaf Nazirliyi tərəfindən maliyyələşən Yaşlıların Təhsili Mərkəzləri Yoxsulluğun Azaldılması, Təhsil və Sosial Həmrəylik üçün İmkan kimi (COPE) layihəsi çərçivəsində üçüncü forum 4 avqust 2011-ci il tarixində Lerik şəhərində keçirildi. Lerik, Lənkəran və Masallı rayonlarından 25 iştirakçı tədbirə qatıldı. İştirakçılar rayon təhsil qurumları, yerli QHT-lər, biznez və əlaqəli hökümət qurumlarını təmsil ediblər. Forum zamanı layihənin əsas nəticələri müzakirə olunub. Bundan başqa, tədbir müxtəlif qurumlar arasında geniş müzakirə və əməkdaşlıq üçün şərait yaradıb.